1. Mehmonxona mehmonlarning vaqtincha yashashi uchun mo‘ljallangan. Eng uzoq qolish mumkin bo‘lgan muddat — bir oygacha. Muddat tugagandan so‘ng mehmon joyni bo‘shatishi yoki xonaning band qilinishini uzaytirishi shart. Qolish muddati mehmonxona administratori bilan kelishilgan holda uzaytiriladi.

2. Ish vaqti — 24 soat.

3. Joylashish va chiqish vaqti
Joylashish vaqti — 14:00
Agar bo‘sh xonalar mavjud bo‘lsa, mehmon administrator bilan kelishilgan holda joylashish vaqtidan ertaroq (erta joylashish) xonaga qo‘yilishi mumkin.
Chiqish vaqti — 12:00
Agar bo‘sh xonalar mavjud bo‘lsa, mehmonxona ma’muriyati administrator bilan kelishilgan holda mehmonga chiqish vaqtidan kechroq (kechiktirilgan chiqish) chiqish huquqini berishga haqli.
Erta joylashish va kechiktirilgan chiqish uchun qo‘shimcha haq to‘lanadi.

Erta joylashish::

• Soat 06:00 dan 14:00 gacha — yarim sutka uchun to‘lov;
• 00:00 dan 06:00 gacha — to‘liq sutka uchun to‘lov.

Kechiktirilgan chiqish:

• 12:00 dan 18:00 gacha — yarim sutka uchun to‘lov;
• 18:00 dan 24:00 gacha — to‘liq sutka uchun to‘lov.

4. Mehmonxonadan mehmonlarga xona ajratish O‘zbekiston Respublikasining amaldagi qonunchiligiga muvofiq, shaxsni tasdiqlovchi hujjat (pasport, ID-karta) taqdim etilishi bilan amalga oshiriladi.

5. 4 yoshgacha bo‘lgan bolalar uchun alohida yotoq joyi berilmagan taqdirda, to‘lov olinmaydi.

6. Agar mehmon kechikib kelsa, xona bekorga band qilinib, bo‘sh turib qolgan vaqti uchun bir sutkalikdan ko‘p bo‘lmagan miqdorda to‘lov olinadi.

7. Bir sutkadan ortiq vaqtga kechikkani uchun, agar mehmon va ma’muriyat o‘rtasida boshqacha kelishuv bo‘lmasa, xonaning band etilganligi bekor qilinadi.

8. Mehmonxonada turar joy va xizmatlar uchun mehmonxona ma’muriyati tomonidan belgilangan narxlar bo‘yicha hisob-kitob qilinadi.

9. Mehmonxona xonada yashash narxiga kiritilgan quyidagi xizmatlarni taqdim etadi: alohida vanna xonasi, fen, shaxsiy gigiyena vositalari, sovitkich, yozuv stoli, markazlashtirilgan konditsioner va isitish tizimi, LED televizor, telefon, bepul Wi-Fi, ikkita bir kishilik yoki bitta ikki kishilik yotoq.

10. Shaxsiy buyumlarni saqlash uchun har bir xona kiyim javoni, yotoq tumbalari va seyf bilan jihozlangan.

11. Xonada unutib qoldirilgan buyumlar aniqlangan taqdirda, mehmonxona ma’muriyati ularni egalariga qaytarish choralarini ko‘radi. Unutilgan buyumlar ma’muriyatda 60 kun davomida saqlanadi. Ma’muriyat unutilgan buyumlarni saqlash va/yoki ularni egasiga yetkazish xarajatlarini buyum egasining zimmasiga yuklashga haqli.

12. Mehmonlar xavfsizligini ta’minlash maqsadida umumiy foydalanish joylarida videokuzatuv olib boriladi.

13. Mehmonxonada yashovchilarning majburiyatlari:

• mehmonxonada yashash qoidalariga rioya qilish;
• xonada tozalikni saqlash;
• yong‘in xavfsizligi qoidalariga qat’iy rioya qilish;
• soat 23:00 dan 07:00 osudalikni saqlash;
• mehmonxona mulki yo‘qotilgan yoki zarar yetkazilgan taqdirda, xarajatini qoplash.

14. Mehmonxonada quyidagilar taqiqlanadi:

• xonada begona shaxslarni qoldirish, ularga mehmon karta-kalitini berish;
• O‘zbekiston Respublikasi qonun hujjatlarida belgilangan katta hajmdagi buyumlar, yonuvchi materiallar, qurol, giyohvandlik vositalarini saqlash;
• xonalardagi mebellar joyini o‘zgartirish;
• hayvonlar va qushlarni saqlash;
• mehmonxona hududida alkogolli va kam alkogolli ichimliklarni iste’mol qilish, alkogol yoki giyohvand moddalar ta’sirida bo‘lish;
• mehmonxona mehmonlari tinchligini buzish;
• xonalar va binoda chekish.

Mehmonxona xonasida chekkan mehmondan mehmonxona ma’muriyati tomonidan belgilangan 1 000 000 so‘m miqdorida jarima undiriladi yoki mehmon keyingi sutkalar uchun to‘lagan puli qaytarilmagan holda mehmonxonadan chiqarib yuborilishi mumkin.

15. Mehmon spirtli ichimliklar, giyohvand moddalar yoki boshqa vositalar ta’sirida mast holatda bo‘lsa yoki mehmonxonaning boshqa qoidalari va/yoki jamoat tartibini buzgan taqdirda, mehmonxona ma’muriyati to‘lovni, shu jumladan keyingi sutkalar uchun to‘langan pulni ham qaytarmasdan mehmonxonada yashash vaqtini muddatidan oldin to‘xtatish va uni chiqarib yuborish huquqini o‘zida saqlab qoladi.

16. Mehmonxona xonalarida kuniga bir marta sanitar tozalash amalga oshiriladi.

17. Mehmonxona ma’muriyati shahar kommunikatsiyasining (elektr energiyasi, suv va boshqalarning favqulodda o‘chib qolishi) ishlashi uchun javobgar emas.

18. Izoh va takliflar daftari mehmonxona ma’muriyatida saqlanadi va mehmonlarga ularning so‘roviga binoan taqdim etiladi.

19. Mehmon ma’muriyatni ogohlantirmagan holda xonasida bir sutkadan ortiq vaqt davomida bo‘lmasa, ma’muriyat komissiya tuzib, mehmonning mulki hisobini tuzishga va uni saqlash joyiga ko‘chirishga haqli. Bunda, mulkni saqlash evaziga mehmonxona ma’muriyati tomonidan tasdiqlangan preyskurant bo‘yicha to‘lov olinadi. Ma’muriyat mehmonni topish va qoldirilgan buyumlarni qaytarish uchun barcha choralarni ko‘radi (mehmon hisobidan).

20. Mehmon tomonidan shikoyatlar kelib tushgan taqdirda, ma’muriyat nizoni hal qilish uchun barcha choralarni ko‘radi.

21. Mehmonxonaga joylashishda mehmonlar yong‘in xavfsizligi qoidalari bo‘yicha ko‘rsatmalar bilan tanishishlari shart.

22. Mazkur qoidalarda nazarda tutilmagan hollarda ma’muriyat va iste’molchi (mehmon) O‘zbekiston Respublikasining amaldagi qonun hujjatlariga amal qiladi.

23. Mehmonxona mulkiga yetkazilgan zarar uchun mehmonxona ma’muriyati tomonidan belgilangan miqdorda jarima undiriladi.

24. Mehmonxonada ro‘yxatdan o‘tmagan, yashovchi bo‘lmagan mehmonlarning xonada yoki mehmonxona hududida soat 23:00 dan 08:00 gacha qolishlari taqiqlanadi.